1972-ci il dekabrın 30-da Şəki şəhərində anadan olmuşdur. Gürcüstan Elmi Tədris İnstitutunun Hüquq fakültəsini və Azərbaycan Dövlət Aqrar Universitetinin İqtisadiyyat fakültəsini bitirmişdir. «Dövlət qulluğunda fərqlənməyə görə» medalı ilə təltif edilmişdir. Amerika Birləşmiş Ştatlarının Kaliforniya ştatının San-Dieqo şəhərinin fəxri vətəndaşıdır. Karate üzrə 5-ci dan qara kəmər sahibi və Avropa çempionudur. Əməkdar məşqçi, beynəlxalq dərəcəli hakimdir. Rus dilini bilir.
1991–1992-ci illərdə hərbi xidmət keçmiş, 1993–1995-ci illərdə Şəkidə «Məhsul» idman cəmiyyətinin karate-do üzrə məşqçi-müəllimi olmuşdur. 1995–1998-ci illərdə Şəki Müstəqil Nəqliyyat Birliyinin mühəndisi, 1998– 2005-ci illərdə Şəki Təmir-Tikinti İdarəsinin iqtisadçısı, Rayon Kooperativlər İttifaqının aparıcı hüquqşünası, 2001–2005-ci illərdə Şəki Mərkəzi Rayon Xəstəxanasının hüquq məsləhətçisi, 2005–2020-ci illərdə Şəki Gənclər və İdman İdarəsinin rəisi vəzifələrində çalışmışdır.
Yeni Azərbaycan Partiyası Təftiş komissiyasının üzvüdür.
Milli Məclisin Hüquq siyasəti və dövlət quruculuğu komitəsinin, Gənclər və idman komitəsinin üzvüdür. Azərbaycan-Argentina parlamentlərarası əlaqələr üzrə işçi qrupunun rəhbəri, Almaniya Federativ Respublikası, Çexiya, Gürcüstan, Qazaxıstan, Litva, Özbəkistan, Tailand, Türkiyə, Ukrayna, Yaponiya parlamentləri ilə əlaqələr üzrə işçi qruplarının üzvüdür.
Evlidir, 2 övladı var.

1975-ci il yanvarın 28-də Cəbrayıl rayonunun Şükürbəyli kəndində anadan olmuşdur. Liviya Ərəb Sosialist Xalq Cəmahiriyyəsinin Beynəlxalq İslama Dəvət Kollecini və Xəzər Universitetinin Humanitar fənlər fakültəsini bitirmişdir. İlahiyyat üzrə fəlsəfə doktorudur. 2 kitabın müəllifidir. Ərəb və rus dillərini bilir.
1998–2001-ci illərdə «İrşad» İslam Araşdırmaları Mərkəzində tərcüməçi-referent işləmiş, 2001–2013-cü illərdə Azərbaycan Respublikasının Dini Qurumlarla İş üzrə Dövlət Komitəsində baş mütəxəssis, bölmə müdiri, şöbə müdiri, 2013–2015-ci illərdə «Avrasiya» MMC-də tərcüməçi, AMEA-nın Şərqşünaslıq İnstitutunda böyük elmi işçi, 2015–2018-ci illərdə Azərbaycan Respublikası Prezidentinin Administrasiyasında aparıcı məsləhətçi, böyük məsləhətçi vəzifələrində çalışmışdır. 2018–2020-ci illərdə Azərbaycan İlahiyyat İnstitutunun rektoru olmuşdur.
Yeni Azərbaycan Partiyasının üzvüdür.
Milli Məclisin İctimai birliklər və dini qurumlar komitəsinin, Elm və təhsil komitəsinin üzvüdür. Azərbaycan-Misir parlamentlərarası əlaqələr üzrə işçi qrupunun rəhbəri, Birləşmiş Ərəb Əmirlikləri, İordaniya, Küveyt, Qətər, Mərakeş, Özbəkistan, Pakistan, Rusiya, Səudiyyə Ərəbistanı, Türkiyə parlamentləri ilə əlaqələr üzrə işçi qruplarının üzvüdür.
İslam Əməkdaşlığı Təşkilatının Parlament İttifaqında Azərbaycan nümayəndə heyəti rəhbərinin müavinidir.
Evlidir, 1 övladı var.